Авантуристичкиот дух и љубовта кон патувањата ги одведоа Мартинијан Кириловски и неговата девојка Лара Денковиќ во романтичната атмосфера на Рим.
30-годишниот пејач заедно со својата сакана, која е осум години помлада од него, ги истражуваше убавините на италијанската престолнина. Тие прошетаа низ историските улици, се восхитуваа на величествениот Колосеум и уживаа во магијата која ја нуди градот кој важи за една од најромантичните дестинации во светот.
Покрај културните знаменитости, Мартинијан и Лара не пропуштија да ги искусат и гастрономските задоволства по кои Италија е препознатлива.
Лара на својот Instagram профил сподели дел од нивната авантура со опис: „Веќе сум вљубена🍝“.
Парот е во врска три години, а нивната љубов очигледно станува сè посилна со секое ново заедничко искуство.
