Аутистично момче стана интернет сензација откако мајка му го сними како ја пее „Hallelujah“

Момче од Ирска стана интернет сензација благодарение на својот прекрасен глас и талентот за пеење.

9-годишниот Џастин, на кого му бил дијагностициран аутизам на 3 години, ја изненадил мајка си кога еден ден ја запеал „Hallelujah“. Таа веднаш го снимила слаткиот момент, а откако вујкото на детето го објавил видеото, тоа инстантно стана хит.

„Мојот 9-годишен внук. Поради неговиот аутизам не може да слуша многу песни, но кога некоја ќе му се допадне, знае да пее. Ќе стане суперѕвезда“ – напиша тој во описот.

My nephew only 9 years of age, cause of his autism he can't listen to a lot of songs but when he likes a song he knows how to sing gonna be a superstar, pic.twitter.com/7QklJj9yHD

— Brandon Craig (@brandoncraig21) September 16, 2019

Џастин е екстремно чувствителен на гласна музика и поради тоа, неговите родители избегнуваат да го носат на роденденски забави и на големи собири.

„Морам да бидам екстремно внимателна кои песни му ги пуштам, бидејќи постојат песни кои не ги сака воопшто. Кога започна да пее, ја исклучив музиката и го извадив мојот телефон за да го снимам.“

„Само сакам тој да биде среќен. Џастин не можеше да зборува речиси до 3 години. Ме изненадува секој ден, па ако пеењето му носи среќа, сакам да пее до крајот на неговиот живот“ – рекла Андреа која со видеото сака да им покаже на луѓето дека аутизмот не е секогаш нешто лошо.