Аутистичен артист, кој во минатото бил исмејуван, сам се научи да слика и сега мами воздишки со своите дела

Аутистичен артист создава реалистични слики кои мамат воздишки кај неговата публика, истовремено подигнувајќи ја свеста за неговото нарушување.

Денот на Келси Вормер не изгледа како оној на повеќето од нас, бидејќи содржи часови цртање. Талентираниот уметник со псевдоним Remrov, посветува огромно внимание на деталите и токму поради тоа неговите дела се толку реалистични.

„Ориентиран сум кон деталите. Не цртам зграда, туку цртам прозорец, па уште еден прозорец, па уште еден – еден по еден. А потоа, имате зграда. Целиот свет го гледам во многу малечки детали. Такви се и моите дела: многу прецизни и детални“ – вели Келси кој смета дека неговата хиперфокусираност на деталите се должи на аутизмот.

Вормер вели дека додека растел во Холандија отсекогаш се чувствувал различно од другите и дека бил исмејуван. Неодамна, тој напиша книга во кој дава совети како луѓето треба да постапуваат со лицата со аутизам и вели дека секој заслужува да му се даде шанса.

„Сакам да им кажам на моите читатели дека ќе ми значи многу, а исто и на многу други аутистични личности доколку преземете чекори за да научите повеќе за аутизмот. Без разлика дали имаме аутизам или не, секој од нас ги посакува истите нешта во животот: да биде среќен, да се чувствува ценет и сакан и да има своја улога во ролеркостерот кој го нарекуваме живот. Секој заслужува шанса, а најдобриот начин за тоа е да пречкртате зборот ‘нормално’ во вашиот речник и да си го отворите умот. Прифатете ги различностите. Славете ги силните страни и вештините кои му се дадени на секој од нас. Тоа е клучот за секој да успее и да напредува.“

„Аутистичните луѓе со сигурност можат да напредуваат и да бидат дел од општестото. Важно е да се пренесе оваа порака. Вистина е дека начесто гледаме настрана, но тоа не значи дека не ни е гајле што ќе речете“ – вели тој.