Атрактивна и на 58 години: Елизабет Харли покрај синот Демијан и двајца поранешни партнери на премиера

Синоќа, премиерно беше прикажан филмот „Strictly Confidential“ со Елизабет Харли во главната улога.

На проекцијата во Лондон, 58-годишната актерка се појави со синот Демијан, кој влезе во улога на режисер, а на настанот беа присутни и двајца нејзини поранешни партнери – Хју Грант и Арун Најар. Елизабет носеше зелена креација со отвор кај градите кој го истакна нејзиното деколте.

Елизабет се фотографираше со Арун, со кого беше во брак од 2007 до 2011 година, како и со Хју кој ѝ беше момче од 1987 до 2000 година.

„Strictly Confidential“ е режиран од Демијан, кој доби многу критики што ја вклучи мајка си во секс сцени.

„Всушност немаше никаква голотија. Никој не беше експлоатиран. Сите се чувствувавме комфорно додека го правевме тоа“ – рекла Харли.

Елизабет и Арун започнаа врска неколку месеци по раѓањето на Демијан. Грант пак е еден од кумовите на Демијан, па разбирливо е зошто и двајцата присуствуваа на настанот.