Џенифер Лопез е енергична ѕвезда која е постојано активна на музичката и филмската сцена и континуирано нижи само успешни проекти.
49-годишната актерка и пејачка моментално е посветена на промоцијата на својот најнов филм „Second Act“, па по тој повод беше гостинка во емисијата „Despierta America“ во Мајами.
За своето гостување, Џеј Ло избра впечатлив портокалов стајлинг, кој вклучуваше припиен фустан од Алекс Пери, складен шик мантил, обувки од Кaсадеи и бела чантичка од Марк Крос.
Во емисијата, Лопез се запозна со 9-годишно девојче кое ја освои на прв поглед бидејќи носеше мини верзија од фустанот кој славната пејачка го носеше на премиерата на „Second Act“.
И нејзината колешка од филмот Ванеса Хаџенс гостуваше во емисијата.
