Ариел, Аурора, Бела, Пепелашка... Колекција романтични венчаници инспирирани од дизниевите принцези
Компанија за венчаници создаде линија невестински фустани инспирирани од ликовите и приказните на дизниевите принцези.
Allure Bridals ги замислуваа Ариел, Аурора, Бела, Јасмин, Пепелашка, Покахонтас, Златокоса, Тијана и Снежана додека ги создаваа елегантните креации кои секоја невеста би посакала да ги носи на својот специјален ден.
Романтичната колекција „Disney Fairy Tale Weddings“ има за цел да им ги претвори бајковитите соништа на невестите во реалност.
„Многу невести пораснаа одушевувајќи им се на нивните омилени дизниеви принцези и се инспирираа од нивните патувања, фустани и приказни од класичните филмови“ – велат од компанијата.
