Антониа Гиговска запросена по вторпат од сопругот на гламурозната забава за 25-тиот роденден во Скопје

Антониа Гиговска синоќа го прослави својот 25-ти роденден во Скопје.

Роденденската забава стана уште поинтересна кога нејзиниот сопруг Роберт Спасенцовски ја запроси по вторпат.

Роберт ја побара за жена Антониа уште во јануари 2023 година, кога ја споделија веста за бременоста, но сега одлучи повторно да ја изненади со романтичен гест. 

Пред најблиските пријатели и семејството, со блескав прстен, цвеќиња и балони, тој уште еднаш ѝ ја изрази својата љубов на среќната славеничка.

Антониа за оваа специјална вечер беше облечена во секси бел фустан со впечатливи отсечоци, кој ѝ ја истакна фигурата. Сите гости беа облечени во бело, а декорациите и тортата беа во тегет нијанси.