Антониа Гиговска и Благица Павловска претставуваат музички спој кој ретко кој го очекуваше, но нивната заедничка соработка веќе предизвикува големо внимание и позитивни реакции кај публиката.
Младата 25-годишна поп-ѕвезда и 67-годишната легенда на македонската народна музика ги здружија силите за да создадат освежена, современа верзија на добро познатиот хит „Чукај, чукај“. За изненадувањето да биде уште поголемо, како специјален гостин се појавува и сопругот на Антониа, Роберт Спасенцовски, кој со својата рап-делница пред последниот рефрен ѝ дава дополнителна динамика на песната.
Музиката е на Дарко Димитров и Медо Цун, аранжманот е дело на Димитров и Дамир Имери, а текстот го потпишуваат Димитров, Спасенцовски и Павловска.
По објавата на песната, Гиговска порача:
Гушкајте се, простувајте, смејте се повеќе…додека срцето чука – имаме сè ❤️
"Чукај,Čukaj" е за сите вас.
Пуштете ја гласно и живејте со срце🔥P.S. Еднаш се живее… нека вреди!❤️
Видео
