Ања Тејлор-Џој шармираше на црниот тепих на премиерата на „The Northman“ во Холивуд.
26-годишната актерка позираше пред фоторепортерите во бела креација од колекцијата есен/зима 2022 на Диор и накит од Tiffany & Co., а подоцна ѝ се придружи и Никол Кидман, која за настанот избра фустан од Прада.
„The Northman“ е акција која ја следи приказната за принц на Викинзите кој е на мисија да ја одмазди смртта на татко му. Филмот ќе започне да се прикажува во киносалите на 22 април.