Анѓелка Прпиќ заљубена во Париз, се бакнува со сопругот Марко кој му беше најдобар пријател на нејзиниот бивши сопруг

Анѓелка Прпиќ деновиве ужива во романтично бегство во Париз заедно со сопругот Марко Жугиќ.

41-годишната српска актерка сподели дел од атмосферата со своите следбеници на Instagram. Парот прошета низ најпознатите париски локации, од легендарниот Мулен Руж до величествената Ајфелова кула. 

На фотографиите, актерката шармира во мини фустан комбиниран со црно сако и високи потпетици, а Жугиќ не ја пушта од прегратка. Во романтичниот опис на Анѓелка стои дека таа би умрела за него и дека пак би се родила за да го сретне.

Ѕвездата од серијата „Андрија и Анѓелка“ стапи во брак со Марко во 2023 година. Нивната ќерка Черна се роди во мај истата година. Анѓелка има и син од првиот брак со Дарио Прпиќ.

Врската на Анѓелка и Марко поттикна скандали уште кога започна, бидејќи тој му беше најдобар пријател на Дарио. Многумина ја нарекоа „распуштеница“ на што таа возврати:

„Луѓето, па и самата јас, страшно лесно ги етикетираат другите луѓе. Многу лесно некому му плескаме што било. И тоа без да нè праша некој нешто. Не сме ни свесни колку сето тоа влијае на тој човек отспротива, на кого ние ноншалантно ќе му плеснеме сè в лице и ќе си заминеме! А тој некој ја собира туѓата енергија, тоа го правам и јас, страшно ја впивам туѓата енергија! Го впивам и туѓото расположение и потоа ќе се искривам цела, вака и се прашувам што ми е, зошто сум се здрвила“ – рекла таа.

„Зошто сум јас распуштеница, а разведениот маж не е распуштенко, туку е зрел човек со две деца? И сите обожаваат да ги гледаат како си играат со децата во паркот, една прекрасна слика“ – додала Прпиќ.