Анѓелка Прпиќ е дама која плени со својата харизма и духовитост.
Една од омилените српски актерки на социјалните мрежи сподели албум со фотографии во кој ги слави своите „цртички на лицето", односно брчките кои ги има. Наместо да ги прикрива знаците на времето, таа одлучи гордо да ги прифати и да испрати моќна порака за природната убавина.
Во свој елемент, со разбушавена коса и кратко црно фустанче, популарната актерка се забавува со своите колеги на прославата за филмовите „Svadba”, „Yugo Florida” и „Koke”, каде позира и одблиску и пишува:
„Сите тие цртички на нашите лица се мапи на нашите животи, кои сведочат за смеата, искуството и сè што сме преживеале.“
Нејзината искрена објава наиде на бројни позитивни реакции при што следбениците ѝ порачуваат дека токму природноста и самодовербата ја прават уште поубава, додека еден од коментарите гласи:
„Колку се воодушевувам кога на социјалните мрежи ќе ги видам тие мали цртички. Мене ми се неверојатно убави, секси и женствени. Штета што многу жени ги убедија во спротивното.“
