Андријана Јаневска во балска црвена креација ја прими наградата Пејачка на годината на Златна бубамара

Андријана Јаневска беше прогласена за Пејачка на годината на најновото 27-мо издание на „Златна бубамара на популарноста“.

42-годишната пејачка шармираше во црвена балска креација додека на сцената го примаше значајното признание.

На манифестацијата, Јаневска ја испеа емотивната балада „Тајно моја“ од Тоше Проески. Изведбата беше во чест на покојниот Кире Костов, чие дело е прекрасната песна.

Јаневска нижи многу успеси во музичкиот свет. Во август минатата година, таа сподели дека беше избрана за Најдобра пејачка од цел свет на натпревар во САД. „Чест ми е да Ве известам дека го освоив првото место на натпреварот организиран од ЗАДА рекордс (САД), на кој се избираше најдобар пејач/пејачка од цел свет во минатите неколку месеци. Ви благодарам на сите кои ме поддржувате!“ – се пофали таа.

Неколку месеци подоцна, таа стана и доктор на науки.

Фотографии: Александар Буневски / Femina.mk