Андријана Јаневска беше дел од ѕвездите кои синоќа блеснаа на сцената во Националната опера и балет.
На концертот „Летај Галебе“, посветен на творештвото на легендарниот композитор Кире Костов, македонската пејачка зрачеше со елеганција облечена во долга креација. За музичкиот настан, Андријана избра сатенски бордо фустан, а на сцената со големи емоции ја отпеа „Само сеќавања“.
Јаневска на социјалните мрежи сподели фотографии и напиша:
„Неколку фотографии од спектакуларниот концерт кој вчеравечер се одржа во преполната сала на Македонската опера и балет. Концертот беше посветен на маестро Кире Костов кој ги напиша најубавите безвременски хитови: Кога те нема, Само сеќавања, Штом се сака, 223305, Тајно моја и многу други. Честитки и до маестро Сашо Татарчевски кој мајсторски го водеше оркестарот составен од врвни професионалци“.
Евергринот „Само сеќавања“ е дело на Костов, а за првпат беше изведен на Деновите на Југословенската музика на Фестивалот во Опатија 1984 година од Маја Оџаклиевска.
Фото: Благоја Цоканов / Femina.mk