Анџелина Џоли заедно со своите деца отпатува во Намибија за отворањето на засолниште за диви животни, кое го носи името на нејзината ќерка Шајло, „Shiloh Wildlife Sanctuary“.
Засолништето главно се грижи за слонови и носорози кои се жртви на лов и малтретирање. „Лицето ѝ светна кога го виде засолништето за првпат. Името беше изненадување за неа и таа беше пресреќна. Шајло и нејзините браќа и сестри се движеа многу тивко, бидејќи ново засолнетите слонови сè уште се прилагодуваат“ – изјавил анонимен извор за People.
11-годишната Шајло е родена во градот Свакопмунд, па поради тоа има посебна врска со африканската држава.
Џоли и Шајло посетија и гепард по име Шајло, со кој славната актерка за првпат се сретнала во 2015 година, кога бил малечок.
