Анџелина Џоли со 15-годишната Вивиен на настан откако ќерка ѝ Шајло се откажа од презимето на Бред Пит

Анџелина Џоли со најмалата ќерка Вивиен присуствуваше на отворањето на „Reefer Madness: The Musical“ во Лос Анџелес.

48-годишната актерка избра костум и интересна маичка додека 15-годишното девојче носеше сина кошула со елек и складни панталони. Анџелина и Вивиен позираа со актерката Кристен Бел, која имаше улога во мјузиклот во 2005 година, а сега е дел од продуцентите.

TMZ стигна до документи во кои ќерката на Џоли, Шајло, легално побарала на својот 18-ти роденден да биде тргнато „Пит“ од нејзиното презиме и таа да биде само Шајло Џоли. Според TMZ и Вивиен, Захара и Медокс не го користат презимето „Пит“, но досега не поднеле барање за легална промена во нивните имиња.

Анџелина и Бред се разделија во 2016 година, а таа побара старателство над шесте деца – Медокс, Пакс, Захара, Шајло, Вивиен и Нокс.