Вчера беше Светскиот ден на пчелите.
Анџелина Џоли ги здружи силите со National Geographic за да ја подигне свеста кај луѓето и да ја истакне важноста на заштитата на пчелите. 45-годишната актерка и активистка позираше за впечатлива фотографија со група пчели врз себе. Фотографијата била направена од пчеларот Ден Винтерс.
Фото-проектот на бил едноставен. Анџелина открила дека не смеела да се тушира три дена пред фотосесијата.
„Беше многу забавно да си дотеран со фризура и шминка и да се премачкуваш со феромон. Не требаше да се тушираме во претходните три дена. Ни рекоа: ‘Ако ги имате сите тие различни миризби на шампони и парфеми и други нешта, пчелите нема да знаат што сте’“ – објаснила таа.
„Една од пчелите цело време беше под мојот фустан. Беше како во некоја од оние стари комедии. Ја чувствував на моето колено и на мојата нога и потоа помислив: ‘Ова е најлошото место за убод’“ – се пошегува ѕвездата од „Maleficent“.
Кампањата била направена во чест на Светскиот ден на пчелите, а преку неа Анџелина порача дека е исклучително важно сите ние да помогнеме во заштитувањето на пчелната популација.
Џоли неодамна беше назначена за „кума“ на „Women for Bees“, програма лансирана од УНЕСКО за обучување и поддршка на жените пчеларки-претприемачи низ целиот свет.
