Анџелина Џоли го отвори Глобалниот самит за запирање на сексуалното насилство за време на војна, кој се одржува во Лондон.
39-годишната актерка и амбасадорка на канцеларијата на високиот комесаријат за бегалци на Обединетите нации (УНХЦР) и британскиот министер за надворешни работи, Вилијам Хејг, се домаќини на четиридневниот самит на кој присуствуваат претставници од над 140 држави низ светот.
Анџелина Џоли и Вилијам Хејг
Настанот е резултат на двегодишна силна кампања за подигнување на свеста за насилството во воените зони.
За време на отворањето на самиот, Џоли одржа говор во кој истакна дека силувањето се користи како воено оружје, дека најголем дел од насилниците се неказнети и ги повика светските лидери да се обединат и да преземат мерки против хоророт силување и сексуално насилство за време на конфликти.
Џоли со Хејг и Дејвид Камерон