Американскиот режисер Роб Рајнер со сопругата пронајдени мртви во нивниот дом, биле убиени од синот

Роб Рејнер и неговата сопруга Мишел Сингер беа пронајдени мртви во нивниот дом во Лос Анџелес. Повеќе извори за People потврдиле дека станува збор за убиство и дека тоа наводно било извршено од страна на нивниот син Ник.

Полицијата потврди дека синоќа биле пронајдени телата на 78-годишниот режисер и на неговата 68-годишна сопруга во нивниот дом. Двајцата имале повреди нанесени од нож.

Телата ги пронашла нивната ќерка Роми која живеела во нивна близина.

Претставник на семејството ја потврди трагичната вест:

Со длабока тага соопштуваме за трагичната смрт на Мишел и Роб Рајнер. Скршени сме од оваа ненадејна загуба и ве замолуваме за приватност во ова неверојатно тешко време – се вели во изјавата.

Повеќе извори кои разговарале со членови од семејството за People изјавиле дека извршителот на убиствата е синот на Роб и Мишел, Ник. Полицијата ги нема потврдено ваквите изјави, но објави дека 32-годишниот Ник е жив и дека е испрашуван во полициска станица.

Роб беше режисер, продуцент и актер, кој најмногу ќе остане запаметен по филмовите: „Stand by Me“ (1986), „The Princess Bride“ (1987), „When Harry Met Sally...“ (1989), „Misery“ (1990) и „A Few Good Men“ (1992).

Роб и Мишел се запознале кога тој го режираше филмот „When Harry Met Sally...“ и стапија во брак во 1989 година. Тие заедно имаат три деца.