Американската амбасадорка во Грција критикувана за проѕирниот фустан на формален настан во Атина
Кимберли Гилфојл предизвика бројни реакции поради изборот на облека на свечената вечера по повод Денот на благодарноста која се одржа во Атина.
Американската амбасадорка во Грција се појави во тесен, чипкаст и делумно проѕирен фустан кој, според многумина на социјалните мрежи, бил „невообичаен“ и „несоодветен“ за дипломатска функција и за настан на кој присуствуваа високи официјални претставници.
Дел од коментарите го споредија нејзиниот изглед со „нешто што би го носела ријалити ѕвезда, а не амбасадорка“.
Interesting attire for a US Ambassador at a formal occasion. pic.twitter.com/Tcd4rkBUlA
— Ron Filipkowski (@RonFilipkowski) November 26, 2025
Настанот се одржа во луксузниот хотел „Grande Bretagne“. Гостите уживаа во коктел-прием и свечена вечера, а потоа следуваа обраќања, меѓу кои и на самата амбасадорка.
Ова не е првпат Гилфојл да предизвика внимание со своите смели модни избори. Откако ја започна дипломатската должност во Грција, таа неколкупати привлекла внимание со впечатливи и гламурозни стајлинзи.
Гилфојл беше во шестгодишна врска со Доналд Трамп Џуниор, со кого се вери во 2020 година. Нивната врска заврши кон крајот на 2024 година.
Поранешната новинарка на Fox News беше предложена за амбасадорка во Грција од страна на претседателот на САД, Доналд Трамп, во декември 2024 година. Нејзината номинација беше одобрена од Комитетот за надворешни работи на Сенатот во јули 2025 година, а на 29 септември истата година положи заклетва, станувајќи првата жена на оваа функција.
