Во рамките на Канскиот филмски фестивал, синоќа се одржа хуманитарна гала на amfAR (Американската фондација за истражување на сидата). Познатите модели и ангели на Victoria’s Secret беа дел од модната ревија, а на црвениот тепих зачекорија во гламурозни изданија.
Алесандра Амбросио освои многумина со својот стајлинг, кој вклучуваше розова креација со висок шлиц од Томи Хилфигер, сандали од Џими Чу и накит од Шопард.
37-годишниот модел изгледаше феноменално додека позираше пред насобраните фоторепортери.
Алесандра сподели и неколку фотографии на Instagram.
Амбросио дефилираше и на модната писта заедно со бројни модели како Адријана Лима, Елса Хоск, Наташа Поли, Лаис Риберио, Барбара Палвин и Изабел Голарт.
