Алесандра Амбросио како сирена во сребрен фустан и како принцеза во креација од Ели Сааб во Кан

Алесандра Амбросио ужива во времето поминато во Кан, каде постојано привлекува внимание со изгледот.

На премиерата на „Three Thousand Years Of Longing“ на Канскиот Филмски фестивал, 40-годишната манекенка изгледаше како сирена во сребрен фустан од Алберта Ферети и накит од Boucheron.

Либанскиот дизајнер Ели Сааб ја претвори Амбросио во модерна принцеза за галата „Women In Cinema“, на која присуствуваа многу славни актерки и модели.

Кога била прашана за нејзината инспирација при изборот на облека, згодната Бразилка рекла: „Мојата главна инспирација кога мислам што да облечам за фестивалот се моите омилени модни икони Софија Лорен, Брижит Бардо, Грејс Кели и Елизабет Тејлор, но секогаш додавам свој шмек на изгледот“.