Александра Пријовиќ 3 месеци по породувањето во лежерно издание со фармерки на концертот на Саша Ковачевиќ
Александра Пријовиќ му ја даде поддршката на својот колега Саша Ковачевиќ на неговиот концерт во Сава центарот во Белград.
Српската музичарка, која од првиот ред го проследи музичкиот спектакл, одушеви со изгледот три месеци по раѓањето на своето второ дете, ќеркичката Ариа. Пријовиќ носеше лежерна модна комбинација со фармерки, бела маичка и кожна јакна, а својот изглед го „зачини“ со црна Шанел чанта.
„Среќна сум што имам прилика да присуствувам на концертот на Сале. Сале буквално го слушам многу долго. Му посакувам многу среќа вечерва. Ја знам секоја негова песна“ – рече таа.
Александра се породи во септември, а сега сподели видео од ноџињата на нејзината ќеркичка.
Таа е во брак со Филип Живојиновиќ кој е син на сопругот на Лепа Брена, Боба Живојиновиќ. Заедно имаат и 6-годишно синче, кое се вика Александар.