Александар Динев и Евче изненадија девојче на чиј роденден не отишле најголем дел од другарчињата

Александар Динев и Евче добија многу пофалби за нивното добро дело.

Македонскиот пар изненади 11-годишно девојче на кое најголем дел од другарчињата му откажале присуство на роденденот. Малата Ева била многу тажна поради тоа, но нејзината самохрана мајка се погрижила роденденот да има среќен пресврт.

Мајката го сретнала Динев на улица и го замолила да дојде на роденденот.

„Нè замоли да го изненадиме нејзиното дете за роденден. Ни раскажа дека е самохрана мајка која се бори секој ден за да ѝ подари среќно детство. Многу од другарчињата на Ева ѝ откажале дека немало да дојдат на прославата. Тоа ја направило нејзината ќерка многу тажна“ – вели Александар во видеото од изненадувањето.

Славеничката Ева е пресреќна кога ќе ги види Динев и Евче како доаѓаат со торта.

„Замисли да ти откажат сите другарчиња за роденден, а наместо солзи, Динев и Ева да се појават и да те изненадат“ – вака го започнува видеото Динев.

Погледнете:

@dinevv Ајде сите да ѝ честитаме среќен роденден на Ева! @Eva Jovanovska ♬ original sound - Aleksandar Dinev