Актерката Глен Клоус сака да ја посети Македонија бидејќи е одушевена од филмот „Пред дождот“ на Манчевски

Глен Клоус откри дека посакува да ја посети Македонија. Холивудската актерка призна дека била одушевена од филмот „Пред дождот“ на Милчо Манчевски и дека еден ден би сакала да може да зачекори на нашата почва.

„Има филм се вика 'Пред дождот'. Снимен е во Македонија. Очигледно е многу стар и многу се има случено на таа почва. Никогаш не излезе од моите мисли“ – вели Клоус во кратко видео снимено пред Оскарите. Во него, повеќе актери беа запрашани кој филм ги инспирирал да посакаат да патуваат во друга земја.

Видео:

Феноменалниот филм на Манчевски во 1994 година беше номиниран за Оскар, а ја има освоено престижната награда Златен лав за најдобар филм на Филмскиот фестивал во Венеција.