„Ако жените можат да го разберат фудбалот...“: Објава со Ерлинг Халанд за менструалниот циклус стана вирален хит

Кој би помислил дека токму Ерлинг Халанд ќе стане „амбасадор“ за подобро разбирање на менструалниот циклус?

Од платформата за женско здравје „Hiya Healthcare“ од Дубаи објавија серија фотографии од Халанд за да ги илустрираат четирите фази на менструалниот циклус – менструалната, фоликуларната, овулациската и лутеалната. Целта? На едноставен, духовит и лесно разбирлив начин да им се објасни на мажите што всушност се случува во женското тело во текот на еден месец.

„Ако жените можат да го разберат фудбалот, кој се игра на секои 4 години, тогаш мажите треба да го разберат менструалниот циклус кој се случува секој месец. Сега јасно е, така?“ – порачаа од платформата, алудирајќи на Светското првенство.

Во секоја фаза се искористени различни изрази на лицето и реакции на Халанд од натпревари. Така, фотографиите за лутеалната фаза прикажуваат зголемен апетит, исцрпеност, прекумерно размислување и плачливост, а менструалната фаза е опишана со иритабилност, болки и грчеви и крвавење. 

Објавата за кратко време стана вирална на Instagram и на X и привлекува многу аплаузи за креативноста и пораката за поголема емпатија и разбирање на женското здравје.