Аки Рахимовски замина во легендите: Фронтменот на Парни ваљак почина на 66-годишна возраст

Балканот тагува. Аки Рахимовски, фронтменот на „Парни ваљак“ ненадејно почина.

Тажната вест беше споделена на социјалните мрежи на бендот.

„Драги пријатели, со неопислива тага во срцето ви соопштуваме дека денес, на 22.01.2022, засекогаш заспа Аки Рахимовски“ – пишува на Twitter страницата на Парни ваљак заедно со стиховите:

„Za malo nježnosti
na sve ću pristati,
za malo nježnosti
da mogu zaspati“.

“Za malo nježnosti
na sve ću pristati
za malo nježnosti
da mogu zaspati”

Dragi prijatelji, s neopisivom tugom u srcu vam javljamo da je danas, 22.1.2022. zauvijek zaspao Aki Rahimovski. pic.twitter.com/hKXQ90bLny

— Parni Valjak (@parnivaljak) January 22, 2022

Рахимовски е роден во 1955 година во Ниш, а подоцна со семејството се пресели во Скопје. Од мали нозе учеше да свири клавир и да пее, а веќе во тинејџерските години беше дел од неколку бендови.

Во 1975 година ги запозна Хусеин Хасанефендиќ и Јурица Паѓен со кои го основа Парни ваљак, еден од најобожаваните бендови во регионот. Тие заедно имаат издадено над 15 студиски албуми, а за оваа година имаа планирано и турнеја низ Хрватска.