Адријана Лима го истакна трудничкото стомаче во припиен фустан покрај саканиот на ревија во Париз

Адријана Лима се појави на првиот јавен настан по објавувањето на веста за бременоста.

40-годишната манекенка присуствуваше на ревијата на Balmain во Париз. Убавата Бразилка беше придружувана од нејзиниот партнер Андре Лемерс.

Шармантната трудница носеше црна припиена креација која ѝ го истакна стомачето.

Лима и Лемерс ја започнаа врската на почетокот на минатата година и оттогаш се неразделни. Ова ќе биде нивно прво заедничко дете.

Поранешниот ангел на Victoria’s Secret има уште две ќерки со бившиот сопруг Марко Јариќ.