Зимата губи од својата сила. Но, пред да ѝ кажете „збогум“, преостануваат шест седмици во кои сè уште имате шанса да нурнете во зимската гардероба и да склопите модни комбинации кои гласно ќе зборуваат за вашето чувство за стил, а притоа ќе сведочат за вашата информираност за најактуелните трендови.
Денес правилата изумираат во светот на модата, а сè почесто трендовите се создаваат токму на улиците од лицата кои умеат да се изразуваат преку облеката и не си ја ограничуваат фантазијата.
Модните блогерки имаат сè поголемо влијание во модната индустрија. Нивното мислење одекнува во ушите на креаторите и стилистите, а нивниот стил фасцинира и инспирира. Па, време е да го пренасочиме вниманието од манекенките и модните писти кон младите дами кои неуморно изненадуваат со комбинации што веднаш го зграбуваат погледот.
Низ зимскиот моден избор на славните блогерки невозможно е да не се забележат неколку силни трендови:
Шик шешири
Искинати фармерки/„Машки“ фармерки
Бунтовнички моторџиски (кожени) јакни
Дамски волуменозни здолништа
Смели „кожени“ панталони
Акцент на незаборавни палта
Топли плетени блузи/џемпери
Крзнени елеци
Впечатливи високи чизми
