Рита Морено привлече големо внимание на Оскар. На црвениот тепих, 86-годишната актерка се појави во истиот фустан кој го носеше пред 56 години на престижната манифестација.
На холивудската свеченост, Рита се појави со ќерка си Фернанда Луиза Гордон.
Морено беше облечена во истата винтиџ креација во 1962 година, кога доби Оскар за Најдобра актерка во споредна улога за филмот „West Side Story“. „Фустанот е историски исто толку колку што е историски овој настан, бидејќи ова е фустанот кој го носев во 1962 година кога го добив мојот Оскар. Кога започнав да размислувам што ќе носам, си помислив: „Ох Боже, се разбира. Морам да ја носам оваа тоалета кој ми седи во плакарот 56 години“ – смеејќи се изјави Морено.
Морено ја додели наградата за Најдобар филм од неанглиско говорно подрачје.
