79-годишна жена пристигна во Србија и сега официјално ги има посетено сите земји од светот
Луиза Ју официјално се запиша на листата со личности кои ги имаат посетено сите 193 земји на светот.
79-годишната Филипинка ја постигна својата животна цел откако вчера пристигна во Србија, каде прослави заедно со хрватската блогерка Вана Бојовиќ која има иста цел како неа.
Србија беше последната држава на листата на инспиративната жена родена на Филипини. Луиза од своите 20-ти години живее во Мајами, САД, а нејзината желба за живот е неверојатна.
„Обожава да патува со помладите, а минатата година скокна од авион. Докторот ѝ рече дека нема да ѝ потпише дозвола, на што таа му одговорила: ‘Докторе, тоа е на мојата листа со цели, морам да одам’. Нашето пријателство е доказ дека за дружење годините не се важни. Луиза е најголемата инспирација која сум ја сретнала на мојот животен пат“ – вели Вана во видеото за нејзината пријателка.
