Флавио Бриаторе има нова љубов и ја разбранува јавноста со големата разлика во возраста.
69-годишниот милионер е во врска со студентка која е речиси половина век помлада од него.
Славниот Италијанец беше уловен на одмор во Кенија со 20-годишната Бенедета Боси.
Љубовниот живот на Флавио неретко наидува на голем интерес, затоа што неговата љубовна историја вклучува многу славни убавици.
Имено, тој се вери со Наоми Кембел во 1998 година и со прекини беа заедно до 2003 година, кога тој започна врска со Хајди Клум.
Флавио и Хајди се разделија додека таа беше бремена од него. Славниот модел веднаш започна врска со Сил, кој подоцна и го посвои девојчето. Клум е категорична дека Флавио воопшто не е вклучен во животот на нивната ќерка Лени, која сега има 15 години.
Во 2008 година, Флавио стапи во брак со италијанската убавица Елизабета Грегорачи со која има син. Тие се разделија пред две години.
