61-годишната Џулиен Мур сензационална во транспарентен фустан со наметка од Валентино во Венеција

Џулиен Мур со ефектен стајлинг освојуваше на отворањето на Интернационалниот филмски фестивал во Венеција.

На премиерата на „White Noise“, 61-годишната холивудска ѕвезда заблеска во проѕирна креација со долга наметка од модната куќа Валентино.

Мур годинава е претседателка на жирито на 79-тото издание на најстариот филмски фестивал во светот. „Првиот пат кога бев во Венеција, бев актерка во американска сапуница во 1986 година. Ако тогаш знаев дека ќе дојдам тука како претседателка на жирито, ќе паднев во каналот!“ – изјави шеговито таа.

Фестивалот ќе трае до 10 септември.