Данијела Мартиновиќ го разбуди божиќниот дух кај присутните на нејзиниот концерт во Загреб.
54-годишната пејачка блескаше во сина креација додека ги пееше своите хитови на специјалниот концерт „Божиќ со Данијела“, кој се одржа во концертната сала „Ватрослав Лисински“.
„Во моментот немам многу зборови за да ви доловам каква љубов доживеавме синоќа во Лисински. Засега имам само два — Благодарам. Неописливо.
Потребно ми е малку време да ми се смират емоциите. И денес, а и во следните неколку денови, ќе се потрудам да ви пренесам дел од атмосферата. Благодарна до небото“ – напиша таа во описот на албумот со фотографии.
Специјален музички гостин на Мартиновиќ беше Мартин Косовец кој ја воодушеви публиката со изведбата на својата песна „Maštarija“, како и „Ti si moj san“ и „White Christmas“.
