Даниел Крег сними фотосесија за GQ, во која го покажа мускулестото тело.
52-годишниот актер, кој за последен пат влезе во улогата на тајниот агент Џејмс Бонд, во интервјуто зборуваше за анксиозноста предизвикана од снимањето на франшизата и за проширувањето на неговото семејство.
„Ми беше како да ми оживува конкретен анксиозен сон. Сум страдал од него и во минатото. Страдав затоа што си мислев: ‘Не можам да се справам. Не можам да се справам со ова’“ – рече тој, додавајќи дека никогаш повеќе не би се вратил да снима продолжение за Џејмс Бонд.
„Не знам што ќе правам во иднина, можеби ќе имам уште едно дете, можеби само ќе остарам. Но, научив дека има други нешта кои се поважни“ – вели Крег, кој во 2018 година доби ќерка со својата сопруга Рејчел Вајс.
Даниел првпат влезе во улогата на Џејмс Бонд во 2005 година. Тој ја имаше главната улога во „Casino Royale“ од 2006 година, „Quantum of Solace“ од 2008 година, „Skyfall“ од 2012 година, „Spectre“од 2015 година и „No Time to Die“ кој ќе започне да се прикажува во ноември годинава.
