Многуте обврски ги спречуваат современите мајки да поминуваат повеќе време со своите деца. Над 50% од мајките сметаат дека не поминуваат доволно квалитетно време со своите најмили.
Обидувајќи се да постигнат баланс помеѓу кариерата и личниот живот, мнозинството мајки иако даваат сè од себе, чувствуваат дека можат да направат многу повеќе во одредени области од животот.
24% од мајките сметаат дека треба повеќе да им помагаат на своите деца со домашната работа за на училиште
10 работи кои мајките сметаат дека можат да ги прават подобро се:
- да поминуваат квалитетно време со своите деца;
- да бидат потрпеливи;
- почесто да приготвуваат јадења од сирови состојки;
- да одржуваат посредено дома;
- да ги подучуваат своите деца;
- да измислуваат интересни игри;
- почесто да ги канат другарчињата на нивните деца на чај;
- да бидат забавниот родител;
- да воведат поголема дисциплина;
- да балансираат меѓу работата и личниот живот.
„Мајките треба да запомнат дека најважното нешто е да им обезбедат на своите деца стабилна средина и љубов. После тоа, ако можат да најдат време за да си играат со нив, би било супер, затоа што децата повеќе ќе го ценат тоа отколку средената куќа или убавиот оброк“ – изјавила Кетрин Крафорд, претставник на сајтот TheBabyWebsite, кој го направил истражувањето.
74% од трите илјади анкетирани мајки сметаат дека прават сè најдобро што можат со оглед на ситуацијата во која се наоѓаат и дека нивните деца се среќни и задоволни, но најголем дел признале дека чувствуваат огромен притисок за да имаат совршена кариера и совршено семејство.
И покрај тоа, 53% од мајките изјавиле дека е невозможно постигнувањето на баланс кариера-личен живот.
„Мајките не треба да се прекоруваат толку многу, затоа што повеќето од нив одлично се справуваат со растењето на децата во среќен дом“ – додала Крафорд.