Шарлиз Терон постојано докажува дека стилот само се подобрува со годините.
50-годишната актерка се појави на ревијата на Диор во рамките на Париската модна недела во секси издание кое веднаш ги освои модните критичари. Шарлиз избра целосно црна комбинација која вклучуваше ултра кратко здолниште кое го искомбинира со високи чорапи, впечатлива наметка и темни очила, создавајќи гламурозен изглед.
Терон од првите редови го проследи модното шоу на кое беше презентирана колекцијата есен/зима 2026-2027 година на брендот.
Креативниот директор на Диор, Џонатан Андерсон, за WWD објасни како изгледа неговиот креативен процес.
„Никогаш нема да работам по формула. Нема да бидеме бренд со еден препознатлив ‘униформен’ изглед, затоа што не верувам во тоа. Порано постоеја трајни линии кои го носеа бизнисот, кога можеше да кажеш: ‘Еве една јакна и ќе ја продаваме 10 години.’ Тоа повеќе не функционира – тоа се распаѓа“ - рекол тој.