5-годишно момче од БиХ за првпат во животот си ја скрати косата и ја донираше за деца болни од рак
Захарје Ѓуриќ е мало момче со големо срце.
5-годишното детенце од Бијељина, Босна и Херцеговина, за првпат во животот си ја скрати русата коса, а прамените ги донираше за деца болни од рак.
Неговата мајка никогаш претходно го немала однесено во фризерски салон за да си ја скрати косата, па Захарје доби можност да донира прекрасни долги прамени за неговите врсници кои ја водат најтешката битка за животот додека истовремено се соочуваат со губењето коса.
Низ разговор со мајка му и сестра му, Захарје рекол дека сака да ги усреќи своите другарчиња и да им помогне кога ќе ја изгубат својата коса.
Фризерскиот салон „Давидоф“, кој долго време соработува со Здружението за деца билни од малигни болести „Искра“ од Бања Лука, се погрижил прамените на слаткото детенце да завршат на вистинското место.
ФОТО: Moja Bijeljina