„3 години без твојата прегратка“: Ана Костадиновска со семејни фотографии на годишнината од смртта на татко ѝ Кире Костов

Поминаа три години откако нè напушти Кире Костов. Ана Костадиновска, ќерката на легендарниот македонски композитор, го одбележа овој ден објавувајќи стари семејни фотографии.

„3 години без твојата прегратка. Недостасуваш ТАТО“ – напиша таа во описот.

„Имав привилегија да растам покрај човек кој беше симбиоза на музички гениј, висок професионализам и длабоко всадени човечки вредности“ – изјави Ана на еден од концертите одржани во чест на татко ѝ.

Маестро Костов почина во 2023 година по долго боледување.

Талентираниот битолчанец напиша бројни македонски хитови кои долго ќе се паметат. Дел од нив се „Тајно моја“, „Илузија“, „Летај галебе“, „Кога те нема“, „Твоите очи сине“ и „Синот божји“.

Како придружен вокал, Ана настапуваше со ДНК во дискотеката „Пулс“ кога изби големиот пожар. За среќа, таа успеа да се извлече од пламените јазици.