„Ако тогаш го знаев она што го знам сега“ – оваа фраза ја инспирирала Џори Верни да создаде листа со совети за животот за нејзината ќерка.
Американската блогерка, која е мајка на две деца и основачка на блогот Close to Classy, сподели мудрости кои треба да ги почитува секоја припадничка на понежниот пол.
- Никогаш не е доцна да го направиш она што е правилно.
- Биди смела, но остани скромна.
- Никогаш не оди гладна на пазарување во супермаркет.
- Потроши ги парите за фустанот по кој копнееш.
- Никогаш не пропуштај шанса да кажеш некому што чувствуваш. Ако сакаш некого, кажи му.
- Твоите зборови имаат огромна тежина, избирај ги мудро.
- Живеј сама, барем накратко.
- ОК е да грешиш, НЕ Е ОК да бараш изговори.
- Ако го знаеш одговорот, крени рака.
- Никогаш не се задоволувај со помалку од она што го заслужуваш.
- Кармата постои. Не биди злобна девојка.
- Секогаш бори се против неправдата.
- Никогаш не се извинувај за она што си. Ти си совршена.
- Навивај за „послабиот“.
- Користи крем за заштита од сонце.
- Слушај ги претчувствата, дури и кога не се поклопуваат со она што ти го велат главата и срцето.
- Знај ја разликата меѓу несогласување и расправија.
- Изеди ја тортата.
- Секогаш носи екстра ластиче за коса.
- Не дозволувај некој да се однесува лошо кон тебе. Ги учиме луѓето како сакаме да нè третираат преку тоа што го прифаќаме нивното однесување.
- Секое патување започнува со еден чекор. Биди доволно храбра да го направиш првиот чекор.
- Ништо не може да те ограничи повеќе од затворен ум.
- Не се потценувај себеси, твоите способности се бескрајни.
- Петок навечер е за нарачки на храна за дома. Понекогаш и вторник навечер исто така.
- Барај помош кога ти е потребна. Ти си независна жена, а не суперхерој.
- Сакај се себеси.