25 години подоцна: Пирс Броснан со децата од филмот „Госпоѓа Даутфаер“ кој го снимија со Робин Вилијамс
Поминаа 25 години откако Робин Вилијамс влезе во улогата на госпоѓата Даутфаер и ни мамеше насмевки и солзи пред малите екрани. Сите кои растеа во 90-тите години се сеќаваат на таткото кој се маскираше во полничка „куќна помошничка“ за да поминува повеќе време со своите деца по разводот со сопругата.
На годишнината од филмот, актерот Пирс Броснан се сретна со актерите кои ги толкуваа улогите на трите деца Лидија, Крис и Натали. Во филмот, Броснан го глумеше Сту, момчето на нивната мајка.
65-годишниот актер седна на иста маса со 39-годишната Лиса Џејкоб, 38-годишниот Метју Лоренс и 31-годишната Мара Вилсон, а фотографиите им разбудија слатки спомени на нивните фанови.
Броснан сними и видео во кое покажува колку пораснаа трите деца од популарниот филм.