17-годишната Каја Гербер критикувана дека е преслаба по дефилирањето на ревијата на Сен Лоран

Каја Гербер неколкупати досега има разгорено дискусии за фигурата, а по ревијата на Сен Лоран, повторно се засилија коментарите за нејзиниот изглед.

Откако дефилираше во две нови креации на популарната модна куќа, 17-годишната ќерка на Синди Крафорд стана мета на коментари дека е преслаба и дека изгледа како да е нездрава и екстремно истоштена.

Многумина се согласија дека ваквиот изглед испраќа лоша порака, а не се малку и оние кои ја обвинуваат Крафорд што дозволила нејзината ќерка да слабее до овој степен.

Сепак, има и лица кои застануваат во одбрана на Каја и посочуваат дека таква е нејзина природна градба и дека не заслужува остри и навредливи забелешки за фигурата која генетски ѝ е дадена.