Каја Гербер забрзано се пробива во модната индустрија и е ангажирана за сè повеќе фотосесии и кампањи. 14-годишната ќерка на Синди Крафорд овој пат е ѕвездата од новото издание на „Teen Vogue“.
Каја позираше во дизајнерски парчиња од Gucci, Valentino, Erdem, Chanel и J.W. Anderson.
Во интервјуто за списанието, Каја изјавила дека постојано позајмува облека од плакарот на мајка си. „Ќе прашам дали може да позајмам нешто и тоа ќе заврши во мојата гардероба засекогаш. Мајка ми постојано се прашува зошто ѝ исчезнуваат работите“ – рекла таа.
Првата фотосесија за „Teen Vogue“ Каја ја направи пред една година.
