13-годишната Харпер Бекам покажа како се шминка, по критиките за фустанот со отсечок кај градите

Викторија Бекам објави видео во кое нејзината ќерка покажува како се шминкаше за доделувањето на наградите на Harper’s Bazaar.

Во видеото, 13-годишната Харпер нанесува молив и сјај за усни од линијата за убавина на брендот на Викторија.

@victoriabeckham #HarperSeven gets ready for the @Harper’s BAZAAR Women of the Year awards using @Victoria Beckham Beauty ♬ original sound - Victoria Beckham Store

Харпер присуствуваше на свеченоста заедно со мајка си и носеше долг фустан со отсечок кај градите кој е дизајниран од Викторија. Многумина побрзаа да ја критикуваат Викторија дека ја искористува ќерка си, која е премлада, за промоција на своите производи.

„Ова дете можеби чувствува дека е пораснато, но би требало да смета на родителите да ја заштитат, не да ја промовираат како дел од нејзиниот бренд“, „Не ја избрзувајте да порасне. Таа е сè уште многу млада“, „Мејкап рутина? Таа има само 13 години!“, „Што се случи со она дека децата треба да бидат деца? Таа има 13 години“, „Жал ми е за ова дете кое е ставено под рефлекторите на 13 години. Таа би требало да се дружи со пријатели, да пишува домашно и да се занимава со хобија“ – се само дел од коментарите.

Покрај критиките, бројни се пофалбите за убавината на Харпер, која најверојатно ќе ги следи стапките на Викторија.