По објавувањето на новиот сингл „Bad Liar“, Селена Гомез замина на промотивна турнеја низ Њујорк.
За време на своето патување во Големото јаболко, 24-годишната пејачка ги одушеви не само фановите на музиката, туку и модните зависнички, појавувајќи се во 13 различни стајлинзи за само три дена.
Славната музичка ѕвезда синоќа блесна во креација од Alexandre Vauthier и обувки од Jimmy Choo за време на вечерното излегување со својот сакан The Weeknd, а претходно беше фотографирана на неговиот концерт во црно кратко фустанче и црвена маица.
Претходниот ден, Гомез промени вкупно шест модни комбинации.
Првиот стајлинг на Селена вклучуваше тегет мини фустан од брендот Jacquemus и сандали од Louis Vuitton.
Истите сандали од Louis Vuitton, таа ги носеше и за своето учество во The Morning Show, кога ги искомбинира со портокалов фустан со шлиц од Christopher Kane и за интервјуто во студиото SiriusXM кога привлекуваше погледи во фустан од Victor Glemaud.
Следниот моден избор на Селена беше розов комбинезон од колекцијата есен 2017 на Miu Miu, кој го надополни со сребрени сандали од Gianvito Rosii.
Гомез повторно се наврати на своите сандали од Louis Vuitton за гостувањето во студио на Music Choise, каде изгледаше модерно во црно-бел фустан од Shaina Mote и црна кожна јакна.
Последниот аутфит за тој ден беше за нејзиното вечерно излегување со момчето. За приликата, Гомез избра свилен фустан од Mimi Wade и црни сандали од Jimmy Choo.
Два дена претходно, Гомез прошета низ улиците на Њујорк во уште 4 други комбинации. Првата од нив вклучуваше кратка маичка од Alexa Chung, обувки од Mansur Gavriel и чанта од J.W. Anderson.
Подоцна, таа се пресоблече во фармерки од Re/Done, дуксерка од XO Allure и чизми од Stuart Weizman.
Третиот моден избор на Селена беше цветен фустан од Vintage и штикли од Giuseppe Zanotti.
Штиклите од Giuseppe Zanottiи чантата од J.W. Anderson на крајот од денот, таа ги искомбинира и со елегантен фустан од David Koma.
