Во свет во кој сè помалку се читаат книги, едно девојче руши рекорди и освојува награди.
11-годишната Рахеал Нафула од Кенија за само три месеци прочита 1.178 книги и на 21 октомври оваа година, ја доби наградата „Mashujaa wa Kusoma“. Mashujaa wa Kusoma Award е настан организиран од Worldreader и Националната библиотекарска служба на Кенија кој има за цел да ја поттикне љубовта кон пишаниот збор кај младите луѓе.
Рахеал постави рекорд на настанот кој се одржа во Најроби.
Кампањата ги охрабрува децата да прочитаат 25 книги за три месеци, а најдобрите од нив се прогласуваат за херои на читањето со цел да се зголеми културата на читање кај младите.
