Овошен десерт: Торта Шарлота

Пригответе освежително слатко изненадување од кое сите ќе посакаат уште едно парче.

Состојки

Подготовка

1. Жолчките и пудингот со ванилиниот шеќер се соединуваат во 100 мл ладно млеко.
2. Остатокот од млекото се вари со шеќерот. При крајот на варењето се трга од оган и се меша 1-2 минути со претходно приготвената смеса.
3. Во измешаната топла смеса се додава белото чоколадо. Се покрива со фолија за да не фати кора и се остава да се лади.
4. Слатката павлака се мати со миксер, а во неа се додава желатин или шлаг фикс.
5. Откако ќе се олади приготвениот фил се меша со изматената слатка павлака.
6. За овошниот дел, во изблендираните јагоди додајте пенесто изматен путер и густинот. (Друга алтернатива е јагодите да провријат во вода со шеќер. Потоа се процедуваат и се блендираат, а во водата се додава прво густинот, па на крај и путерот.)
7. Странично пишкотите се редат така што ќе им се исече врвот во зависност од висината на тавчето.
8. Долниот дел се реди со пишкоти. Се полеваат пишкотите со малку млеко, колку да омекнат.
9. Над слојот со пишкоти прво се става бел фил, потоа овошен, и на крај повторно бел.
10. За украсување ставив јагоди, малини и капини, плус прелеав со бело чоколадо за да биде подекоративно.