Уште два дена нè делат од започнувањето на 13-тото издание на фестивалот на кратки филмови „Балканот надвор од границите”. Манифестацијата, која е основана во Атина, за првпат ќе се одржи во нашата земја, а домаќин ќе биде Битола.
Денес се одржа прес-конференција за најава на Фестивалот кој ќе се одржува од 19 до 22 октомври под насловот „Одлепување на Мозаикот“ во Центарот за култура во Битола.
„Причината зошто оваа година се одлучивме за насловот „Одлепување на мозаикот” е затоа што ние гледаме дека има потреба да се разбере кои сме ние и кои се луѓето околу нас. И ние не сакаме да имаме категории и да им ставаме имиња на луѓето, но да разбереме дека сите сме различни. Затоа нашиот мозаик се состои многу различни видови на личности и тука сме да ги претставиме. Фестивалот се состои од сите типови на жанрови: фикција, документарни филмови, анимирани, експериментални кратки филмови и преку овој начин сакаме да имаме комплетна програма на видови на филмови и исто така да го покриеме целосниот балкански регион. Ви благодарам“ – изјави Василики Малтасоглу, директорка на фестивалот за кратки филмови „Балканот надвор од границите”.
„Се наоѓаме тука во малата сала на центарот за култура, прв пат во Битола, прв пат во нашата држава, фестивал на кратки филмови кој што е со седиште во Атина. Еден четиридневен фестивал пионерски каде што ќе имаме можност да видиме многу различни филмови од балканот. Овај е 13 пат кој што се одржува фестивалот во разни држави од балканот, 55 кратки филмови, работилници и нормално бесплатен влез. Фестивалот е подржав од разни компании како и Министерство за култура, општина Битола, Центар за култура Битола кој што ни го дава овај простор како и помали компании кои што сакаат да учествуваат во тоа да носиме нешто ново во градот, нешто културно, нешто различно. Знаеме дека Битола е град кој што е културен на филмови нашата публика тоа го сака и затоа го носиме овај фестивал тука“ – изјави Милчо Дули од Сфера Интернешнал.
„Нас ни е особено чест и задоволство што во соработка со Сфера Интернешнал и Фестивалот “Balkan Beyond Borders”оваа година Битола ќе биде домаќин на овај фестивал, се работи за 13тото издание на овај фестивал, и ќе се одржи точно во центарот за култура Битола. Центарот за култура Битола програмски е насочен кон градењето на млада публика особено во делот на филмската дејност бидејќи нашето кино е дел од европската мрежа на кина Eurоpa cinemas така што програмски одлично се вклопува овај фестивал во нашите цели и амбиции. Ќе упатам уште еднаш благодарност до овие три организации кои што не избраа нас да бидиме партнери во организацијата на фестивалот“ – додаде Mенче Хаџи Коста Димевска стручен соработник за филмска дејност центар за култура.
