Почетна » Новости » Актуелно » Венко Филипче: Два нови смртни случаи и 16 заболени од коронавирус

Венко Филипче: Два нови смртни случаи и 16 заболени од коронавирус

Коронавирусот зеде уште две жртви во нашата држава. Министерот за здравство Венко Филипче на денешната прес-конференција соопшти дека има два нови смртни случаи.

Станува збор за највозрасниот пациент кај нас кој имаше 91 година и беше хоспитализиран 8 дена и пациент од Скопје на 31-годишна возраст чија клиничка слика била многу тешка и вчера бил поставен на респираторна машина.

Во изминатово деноноќие имаме 16 нови дијагностицирани случаи. Со тоа, бројот на заболени се искачи на 257.

Заболени од КОВИД-19

За период од 2-3 дена, потенцијално 7 пациенти ќе може да бидат пуштени на домашно лекување.

„Ние сме сè уште во еден вид форма на војна со КОВИД-19. Сакам да упатам јасна порака дека влегуваме во вториот месец од борбата со оваа пандемија која целосно го промени животот, донесе страв, донесе несигурност кај сите од нас. Пред нас е најтешкиот период. Период во кој бројот на заболени расте, ќе расте во светот, ќе расте и кај нас. Ни претстои, за жал, период во кој ќе расте и бројот на починати. За ова мораме сите да бидеме свесни.“

„Денеска имаме и еден млад човек којшто почина. Ова е доказ дека вирусот не штеди никој. Никој не е имун, ниту не е заштитен од него. Стануваше збор за најтешката можна форма на клиничка манифестација на оваа болест. Сите оние кои досега можеби не беа убедени во опасноста од вирусот, сега верувам дека им е целосно јасно дека ова е многу сериозна закана, дека навистина мораме ние сериозно да се однесуваме кон неа. Нема да биде лесно, затоа сакам да упатам апел сите да ги почитуваат препораките, да не се шири паника, да се однесуваме максимално претпазливо и одговорно, заради тоа што успехот во оваа борба зависи од секој еден од нас“ – рече министерот.

Анкета

Анкета
Дали си имате направено естетска корекција на лицето?
  • 10%
  • 26%
  • 64%
Се испраќа...

(Вкупно: 9503 гласа)

Цитат

Животот е како монета. Можете да ја потрошите како сакате, но можете да ја потрошите САМО ЕДНАШ.

Лилиен Диксон

Виц

Брачните расправии се како да читаш „Правила и услови за користење“ на интернет.

На крајот посекако завршуваш со: „Се согласувам“.