Роднините, пријателите и колегите попладнево го испратија Владимир Блажев – Панчо во вечноста. На денот на погребот, многумина му оддадоа почит со пораки полни со тага и болка.
Антониа Гиговска се наврати на нивната заедничка песна „Ванила“ и вети дека секогаш ќе ги пее песните на ДНК, за да го одржи жив споменот за прерано починатите македонски ѕвезди.
Што и да напишам премалку ќе биде...
Беше тука за мене од самиот почеток, веруваше во мене, и секој твој збор беше „Само гази срц“!
Ќе ја чувам нашата „Ванила“ и еден ден кога ќе дојдам таму ќе ја испееме заедно зошто тука не успеавме да ја испееме на ниту еден концерт. Само таа ми остана од тебе, а сакавме да направиме уште една.
Чувај ги Андреј и Сара, а ние тука ќе ве чуваме вас во нашите срца и многу гласно ќе ги пееме вашите песни на секој наш настап.
Ќе фалиш ти, ќе фали Андреј, ќе фали ДНК и вашата музика. Ќе ми фали и да се поткарнеме малку како што знаевме ние, зошто сега веќе ни тоа не можеме..
До следно видување срц.
