Небесните тела најавуваат динамичен месец во кој возбудата ќе ни стои на максимум.
Нè очекуваат две полни месечини, и тоа на првиот и на последниот ден од месецот. Бидејќи на 31 октомври ќе имаме втора полна месечина во рамките на еден календарски месец, таа се нарекува и сина месечина. Ова се датуми кога стигнува до финиш нешто што започнало пред 6 месеци. Можни се финансиски успеси, раѓања на нови врски, вести за бременост...
Плутон на 4 октомври ќе го прекине ретроградното движење во јарец. Планетата џуџе со тоа ќе им се придружи на Јупитер и Сатурн кои преминаа во директно движење минатиот месец, па многу пречки ќе исчезнат и ќе се забрзаат многу процеси кои ќе ни помогнат да стигнеме до зацртаните цели.
Негативно е што Меркур, планетата на комуникацијата, во втората половина на октомври ќе се движи ретроградно и ќе донесе недоразбирања и заострени односи. Во тој период, има ризик од одложување на патувања и губење на важни документи.
Венера, планетата на љубовта, ќе патува низ два знаци и ќе нè учи на трпение и посветеност на љубовните врски.
Најсреќни овој месец ќе бидат ВАГИТЕ и ШКОРПИИТЕ.
| Датум | Случување |
| 1 октомври | ☽ Настапува полна месечина во овен |
| 2 октомври | ♀ Венера влегува во девица |
| 4 октомври | ♇ Плутон преминува во директно движење во јарец |
| 14 октомври | ☿ Меркур преминува во ретроградно движење во шкорпија |
| 16 октомври | ☽ Настапува млада месечина во вага |
| 23 октомври | ☉ Сонцето влегува во шкорпија |
| 28 октомври | ☿ Меркур со ретроградно движење влегува во вага |
| 28 октомври | ♀ Венера влегува во вага |
| 31 октомври | ☽ Настапува полна месечина во бик |
Табела: најважните датуми за месец октомври и движењето на небесните тела
Кликнете на вашиот хороскопски знак и дознајте како планетите ќе влијаат на вас овој месец:
